Urugvay terma jamoasi bosh murabbiyi Marselo Byelsa 36 yoshli hujumchilar Edinson Kavani va Luis Suaresni Argentina terma jamoasiga qarshi o‘yin uchun terma jamoaga qaytarmoqchi.

Urugvayning JCH-2026 saralash uchrashuvlari uchun tarkibi rasman e’lon qilinmagan bo‘lishiga qaramasdan, urugvaylik jurnalistlar Byelsaning kengaytirilgan ro‘yxatidan ushbu tajribali hujumchilar ham o‘rin olganini yozishmoqda.

Shu yilning may oyida Urugvay terma jamoasining yangi bosh murabbiyi sifatida tanishtirilgan argentinalik Byelsa, o‘zining yoshartirish siyosati tufayli terma jamoaning tajribali to‘purarlari Kavani va Suaresni terma jamoaga jalb qilmay kelayotgan edi.