Мюнхеннинг «Бавария» клуби қишки трансфер ойнасида фаол ҳаракат қилмоқчи, дея хабар беради инсайдер Фабрицио Романо ижтимоий тармоқлар орқали.
Манбанинг хабарига кўра, Германия чемпиони январь ойидаги трансфер ойнасида камида иккита футболчини сотиб олишни режалаштирган. «Бавария» кучайтирмоқчи бўлган позициялар ҳали айтилмаган.
Сўнгги ўйинда Томас Тухель шогирдлари Дортмунднинг «Боруссия» жамоасини йирик 4:0 ҳисобида мағлуб этишди.
Ҳужумчи Харри Кейн хет-трик қайд этди. Германия чемпионатининг ўн туридан сўнг Мюнхен клуби 26 очко жамғариб, пешқадам «Байер»дан икки очко ортда қолиб, иккинчи ўринда бормоқда.
