«Бавария» дарвозабони Мануэль Нойер Дортмундда «Боруссия» устидан қозонилган йирик ҳисобдаги ғалабадан (4:0) сўнг ўз таассуротлари билан ўртоқлашди.
Учрашувнинг тўртинчи дақиқасидаёқ Дайот Упамекано Томас Тухель жамоасини олдинга олиб чиқди, кейин эса Харри Кейн хет-трик қайд этди.
«Ҳар бир футболчи ва мухлис бу ўйинни интиқлик билан кутади, ундан олдин нима бўлишидан қатъи назар.
Биз юқори даражадаги ўйинда ўзимизнинг ҳақиқий юзимизни кўрсата олдик. Биринчи дақиқаларданоқ ўйинга ажойиб тарзда киришиб олдик.
Бўшлиқлар ва юқори темпдан фойдаланиш қобилияти «Боруссия»га зарар етказди», деди яқинда жиддий жароҳатидан сўнг майдонга қайтган Нойер Sky Sport нашрига.
