Антонио Рюдигер сариқ карточкалари кўрайиб кетганлиги сабабли "Валенсия"га қарши ўйнамайди.
"Реал Мадрид" ҳимоячиси "Райо Вальекано" билан ўйинда (0:0) иккинчи бўлимга қўшиб берилган вақтда огоҳлантириш олди. 96-дақиқада Рюдигер рақиб ҳимоячиси Флориан Лежен билан тўқнаш келди ва уни бурчак байроғи яқинига қўпол равишда итариб юборди. Бош ҳакам Хуан Мартинес Мунуэра ҳар икки футболчига сариқ карточка кўрсатди.
"Райо Вальекано" билан ўйинда олинган карточка Рюдигер учун Ла Лиганинг жорий мавсумидаги 5-карта бўлди. Шу тариқа, немис ҳимоячиси кейинги турда “Валенсия” билан ўйинни ўтказиб юборади.