"Эспаньол" бош мураббийи Луис Гарсия Фернандес истеъфога чиққанини эълон қилди.

Клуб 42 ёшли испаниялик билан ҳамкорликни сўнгги муваффақиятсиз натижалар ва Ла Лигага чиқиш истаги туфайли тўхтатишга қарор қилди.

Жамоа Сегунданинг сўнгги учта ўйинида 1 очко тўплаган. 14 турдан сўнг улар турнир жадвалида бешинчи ўринда (плей-офф зонаси), биринчи ўриндаги "Леганес" билан орадаги фарқ 7 очко.

Фернандеснинг бутун мураббийлар штаби ҳам ишдан бўшатилди. У шу йилнинг апрель ойи бошида жамоани қабул қилиб олганди.

Гарсия бошчилигидаги 26 учрашувда “Эспаньол” 10 марта ғалаба қозонган, 7 марта дуранг ўйнаган ва 9 бор мағлубиятга учраган, тўплар фарқи 45:41.