"Espanyol" bosh murabbiyi Luis Garsiya Fernandes iste’foga chiqqanini e’lon qildi.
Klub 42 yoshli ispaniyalik bilan hamkorlikni so‘nggi muvaffaqiyatsiz natijalar va La Ligaga chiqish istagi tufayli to‘xtatishga qaror qildi.
Jamoa Segundaning so‘nggi uchta o‘yinida 1 ochko to‘plagan. 14 turdan so‘ng ular turnir jadvalida beshinchi o‘rinda (pley-off zonasi), birinchi o‘rindagi "Leganes" bilan oradagi farq 7 ochko.
Fernandesning butun murabbiylar shtabi ham ishdan bo‘shatildi. U shu yilning aprel oyi boshida jamoani qabul qilib olgandi.
Garsiya boshchiligidagi 26 uchrashuvda “Espanyol” 10 marta g‘alaba qozongan, 7 marta durang o‘ynagan va 9 bor mag‘lubiyatga uchragan, to‘plar farqi 45:41.
