"Райо Вальекано" бош мураббийи Франсиско "Реал" билан сафар учрашуви натижаси ҳақида фикр билдирди. Эслатиб ўтамиз, кеча ўйин 0:0 ҳисобида дуранг билан якунланган эди.
"Биз Винисиус Жуниор ва Жуд Беллингем тез-тез ҳужум қиладиган майдонни ёпиш орқали ўйинни назорат қилдик. Биз рақибни назорат қилдик. Лука Модрич бизга зарар етказиши мумкин бўлган жой топишда яхши эди. Модрич алмаштирилгандан кейин яхшироқ ўйнадик" - деди Франсиско матбуот анжуманида.
Эслатиб ўтамиз, "Реал Мадрид" очко йўқотиш орқали “Жирона”га икки очко фарқи билан Ла Лиганинг якка пешқадами бўлишига имкон берди.
