"Интер Майами" ҳужумчиси Лионель Месси "Барселона"га қайтиши мумкинлиги ҳақидаги саволга аниқ жавоб берди.
"Барселона"ми? Йўқ, имконият йўқ. "Барселона"га қайтмайман", — деди 36 ёшли футболчи Lequipe журналисти билан суҳбатда.
Месси 2005 йилдан 2021 йилгача "Барселона"нинг асосий жамоасида ўйнаган. Кейин эркин агент сифатида Франциянинг "ПСЖ" клубига ўтди ва у ерда икки мавсум ўтказди. 2023 йилнинг ёзидан буён аргентиналик футболчи “Интер Майми” футболчиси ҳисобланади.
Октябрь ойи охирида Лионель яна бир бор "Олтин тўп"ни қўлга киритди. У бу совринни саккизинчи марта қўлга киритди.
