Саудия Арабистони лигаси Бруну Фернандешни олиб келишдан манфаатдор.
Журналист Руди Галеттининг ёзишича, Саудия Арабистони суверен жамғармаси ёзги трансфер ойнаси учун потенциал мақсад сифатида Фернандешни рўйхатга олган. Бир қатор клублар вакиллари эҳтимолий музокаралар истиқболини баҳолаш учун футболчи ва унинг атрофидагилар билан боғланиш ниятида.
Брунунинг "Манчестер Юнайтед" билан шартномаси 2026 йилнинг ёзига қадар амал қилади. 2023/24 йилги Премьер-лигада португалиялик футболчи 11 учрашувда 3 та гол ва 2 та голли узатмани амалга оширган.