Пеп Гвардиола клублар ўртасидаги жаҳон чемпионати ҳақидаги фикрлари билан ўртоқлашди.
Клублар ўртасидаги жаҳон чемпионати 12-22 декабр кунлари Саудия Арабистонида бўлиб ўтади.
"Биз у ерда ҳеч қачон ўйнамаганмиз, ушбу турнирда иштирок этиш учун биз Чемпионлар лигасида ғалаба қозонишимиз керак эди, биз буни биринчи марта қилдик. Ўйлайманки, футболчилар тайёр бўлишади. Мен у ерда бир неча марта бўлганман ва биринчи ўйин жуда қийин.
Одамлар финал ҳақида гапиришади, лекин биз қўлдан келганча курашдик, бу "Барселона"га осон бўлмади. Аргентина жамоасига қарши биринчи финал (“Барселона” КЖЧ-2009 финалида “Эстудиантес”ни мағлуб этганди – муаллиф) жуда қийин бўлганди... Биз у ерга бориб, тайёргарлик кўрамиз, чунки бу биз учун орзу”, — деди "Манчестер Сити" бош мураббийи.
