«ПСЖ» бош мураббийи Луис Энрике Жанлуижи Доннарумманинг «Сан-Сиро»га қайтиши борасида фикрларини айтди.

Сешанба куни парижликлар Чемпионлар лигаси доирасида «Милан»га қарши сафарда майдонга тушишади.

Икки йил олдин Доннарумма «россонерилар» лагеридан «ПСЖ»га ўтиб, А Серия гиганти билан шартномасини узайтиришдан бош тортган эди.

«Доннаруммага муносабат? Бу нормал ҳолат. У аллақачон бу ерда Италия жамоаси сафида ўйнаган.

Бу футболда бўлади, у диққатини жамлаши керак. Бошқа футболчилар ҳам шунга ўхшаш нарсаларни бошдан кечиришган.

Баъзида футболчилар жамоани ўзгартирганда, уларга бўлган муносабат тезда севгидан нафратга ўзгаради, бу ғайриоддий нарса эмас», - деди Энрике ўйинолди матбуот анжуманида.