«PSJ» bosh murabbiyi Luis Enrike Janluiji Donnarummaning «San-Siro»ga qaytishi borasida fikrlarini aytdi.
Seshanba kuni parijliklar Chempionlar ligasi doirasida «Milan»ga qarshi safarda maydonga tushishadi.
Ikki yil oldin Donnarumma «rossonerilar» lageridan «PSJ»ga o‘tib, A Seriya giganti bilan shartnomasini uzaytirishdan bosh tortgan edi.
«Donnarummaga munosabat? Bu normal holat. U allaqachon bu yerda Italiya jamoasi safida o‘ynagan.
Bu futbolda bo‘ladi, u diqqatini jamlashi kerak. Boshqa futbolchilar ham shunga o‘xshash narsalarni boshdan kechirishgan.
Ba’zida futbolchilar jamoani o‘zgartirganda, ularga bo‘lgan munosabat tezda sevgidan nafratga o‘zgaradi, bu g‘ayrioddiy narsa emas», - dedi Enrike o‘yinoldi matbuot anjumanida.
