"Челси" бош мураббийи Маурисио Почеттино ҳужумчи Николас Жексоннинг "Тоттенхэм"га қарши ўйиндаги хет-трики ҳақидаги саволга жавоб берди.
22 ёшли футболчи томонидан киритилган учта гол «кўклар»га 55-дақиқадан бошлаб тўққиз нафар футболчи билан ўйнаган «шпорлар»ни (4:1) мағлуб этишга имкон берди.
"Гап унинг ишончини ошириш ҳақида кетмоқда. Биз биламизки, ёш ҳужумчи "Челси" катталигидаги клубга келганида бу жуда муҳим жиҳат. Умид қиламанки, бу хет-трикдан сўнг у хотиржамроқ ўйнаб, ўзига керакли бўлган ишончни қозона олади", - деди Почеттино.
