"Челси" ҳужумчиси Николас Жексон "Тоттенхэм" устидан қозонилган ғалабадан кейин (4:1) ўз фикрлари билан ўртоқлашди.
"Кўклар" "шпорлар"нинг мавсумдаги илк мағлубиятига сабаб бўлишди. Сенегаллик ҳужумчи 75, 94 ва 97-дақиқаларда гол урди - бу вақтга келиб Анж Постекоглоу шогирдлари 9 киши билан ўйнаётганди.
"Жуда хурсандман, жамоамиз қийин кунларни бошидан кечирди. Бу менинг биринчи хет-триким ва Англия ва дунёнинг энг йирик клуби либосини кийганимдан хурсандман.
"Тоттенхэм"нинг ажойиб стадиони ва ажойиб мухлислари бор. Рақиблар икки футболчисиз қолганига қарамай, ғалаба қозониш учун курашишимиз керак эди", - деди Жексон BBC билан суҳбатда.
