Кеча "Навбаҳор" жамоаси нимчорак финал масаласини деярли ҳал қилган бўлса, "Ал Файсали"нинг ғалабаси - "Насаф"нинг гуруҳдан чиқиш имкониятларини яхшилади.
"Пахтакор" ҳам қолган учрашувларини ижобий натижа билан якунлайдиган бўлса, гуруҳдан чиқиш вазифасини муваффақиятли уддалаши мумкин.
Демак, жамоаларимиз кейинги босқичга чиққан тақдирда, Ғарб минтақасида нимчорак финалга қуръа ташлаш механизми қандай кўринишда бўлади? Нимчорак финалга чиққан 8 та жамоа (5 та гуруҳ ғолиби + 3 та энг яхши 2-ўрин соҳиблари) иккита саватчага қуйидаги тартибда бўлинади:
Гуруҳ ғолиби 1 vs Энг яхши иккинчи ўрин 1;
Гуруҳ ғолиби 2 vs Энг яхши иккинчи ўрин 2;
Гуруҳ ғолиби 3 vs Энг яхши иккинчи ўрин 3;
Гуруҳ ғолиби 4 vs Гуруҳ ғолиби 5 (энг паст натижа соҳиби).
Нимчорак финалнинг дастлабки ўйинлари 2024 йилнинг 12-13 февраль кунлари 2-сават вакиллари майдонида бўлиб ўтса, жавоб ўйинлари 19-20 февраль кунлари гуруҳ ғолиблари майдонида ўтказилади.
