Kecha "Navbahor" jamoasi nimchorak final masalasini deyarli hal qilgan bo‘lsa, "Al Faysali"ning g‘alabasi - "Nasaf"ning guruhdan chiqish imkoniyatlarini yaxshiladi.
"Paxtakor" ham qolgan uchrashuvlarini ijobiy natija bilan yakunlaydigan bo‘lsa, guruhdan chiqish vazifasini muvaffaqiyatli uddalashi mumkin.
Demak, jamoalarimiz keyingi bosqichga chiqqan taqdirda, G‘arb mintaqasida nimchorak finalga qur’a tashlash mexanizmi qanday ko‘rinishda bo‘ladi? Nimchorak finalga chiqqan 8 ta jamoa (5 ta guruh g‘olibi + 3 ta eng yaxshi 2-o‘rin sohiblari) ikkita savatchaga quyidagi tartibda bo‘linadi:
Guruh g‘olibi 1 vs Eng yaxshi ikkinchi o‘rin 1;
Guruh g‘olibi 2 vs Eng yaxshi ikkinchi o‘rin 2;
Guruh g‘olibi 3 vs Eng yaxshi ikkinchi o‘rin 3;
Guruh g‘olibi 4 vs Guruh g‘olibi 5 (eng past natija sohibi).
Nimchorak finalning dastlabki o‘yinlari 2024 yilning 12-13 fevral kunlari 2-savat vakillari maydonida bo‘lib o‘tsa, javob o‘yinlari 19-20 fevral kunlari guruh g‘oliblari maydonida o‘tkaziladi.
