Пеп Гвардиола клублар ўртасидаги жаҳон чемпионатидан умидлари билан ўртоқлашди.
Клублар ўртасидаги жаҳон чемпионати 12-22 декабрь кунлари Саудия Арабистонида бўлиб ўтади.
"Биз у ерда ҳеч қачон ўйнамаганмиз, биз Чемпионлар лигасида ғалаба қозонишимиз керак эди (турнирга чиқиш учун), биз буни биринчи марта қилдик. Ўйлайманки, футболчилар тайёр бўлишади. Мен у ерда бир неча марта бўлганман ва биринчи ўйин жуда қийин.
Одамлар финал ҳақида гапиришади, лекин "Барселона"да эканлигимда осон бўлмаганди. Аргентина жамоасига қарши биринчи (финал) (“Барселона” ЖЧ-2009 финалида “Эстудиантес”ни мағлуб этганди) жуда қийин бўлди... Биз у ерга бориб, тайёргарлик кўрамиз, чунки бу биз учун орзу”, — деди "Манчестер Сити" бош мураббийи.
