"Ньюкасл" бош мураббийи Эдди Хау Чемпионлар лигаси гуруҳ босқичи 4-тури доирасидаги Дортмунднинг "Боруссия"сига қарши ўйиндан умидлари билан ўртоқлашди.
“Ўйинчилар нимани кутишлари ҳақида яхши тасаввурга эга. Улар топ жамоа ва уларда бизга зарар етказа оладиган футболчилар бор. Лекин умид қиламанки, бу сафар яхши натижага эришамиз", - дея Хаунинг сўзларини келтирмоқда "Ньюкасл" расмий сайти.
Эслатиб ўтамиз, Европанинг асосий клуб турнири гуруҳ босқичининг 3 туридан сўнг “Ньюкасл” ва “Боруссия” тенг (4 тадан) очкога эга.
