«Гранада» Испания кубогидан четлаштирилди.
Испания Қироллик футбол федерациясининг тартиб-интизом қўмитаси клубга «Ароса» билан баҳсдан сўнг 0:3 ҳисобида техник мағлубият беришга қарор қилди.
Ўйиннинг ўзи ҳам худди шундай ҳисобда «Гранада»нинг ғалабаси билан якунланганди.
Ҳакамнинг шундай қарорга келишига 24 ёшли дарвозабон Адриан Лопес Гарротнинг ушбу ўйинда «Гранада» сафига киргани сабаб бўлди, регламентга кўра, мусобақада иштирок этувчи ўринбосар футболчилар 23 ёшдан катта бўлмаслиги керак.
Шу тариқа, «Гранада» жорий Қирол кубогида ўйнашни тўхтатади ва клуб 6001 евро жаримага тортилади. «Ароса» турнирнинг кейинги босқичига йўл олди.
