«Реал Сосьедад» матбуот котиби Андер Мундуате россиялик ярим ҳимоячи Арсен Захаряннинг клубга мослашиши ҳақидаги саволга жавоб берди.

20 ёшли россиялик ёзги трансфер ойнасида 13 миллион евро эвазига «Реал Сосьедад»га ўтганди. Ярим ҳимоячи жорий мавсумда испан клуби сафида 8 та ўйинда майдонга тушди ва унчалик яхши самарали ҳаракат қила олмади.

«Арсен аллақачон мослашиб бўлган. У жамоада яхши ишламоқда ва ҳамма нарсани тушунади. Маданият ва менталитетга келсак, Захарян бунга ҳам ўрганиб қолган. У басклар мамлакатини яхши кўради», - дея Мундуатенинг сўзларини келтиради Спорт24.