Клеман Лангле январь ойида "Астон Вилла"ни тарк этиши мумкин.

Лангле ёзда “Барселона”дан “Астон Вилла”га сотиб олиш ҳуқуқисиз ижарага ўтган эди. Мавсум бошидан буён ҳимоячи инглиз клуби сафида бор йўғи 3 та ўйинда майдонга тушди.

Diario Sport хабарига кўра, "Барселона" қишда Ланглени қайтаришга ва кейин уни Ла Лига клубларидан бирига ижарага беришга тайёр. Хусусан, франциялик футболчига “Бетис” ва “Севилья” клублари қизиқиш билдиришган. Каталония клуби ўйин вақти камлиги туфайли Лангленинг қийматини сезиларли даражада йўқотишидан қўрқади.

Хабар қилинишича, "Астон Вилла" ва Лангле вазият ўзгариши мумкинлигига ишонишади. Клуб ҳимоячининг профессионаллигини юқори баҳолайди, аммо Европа Лигасидаги юқори савиядаги ўйинига қарамай, футболчи ҳали ҳам Премьер-лигада дебют ўтказмади. "Барселона" яқин ҳафталарда Лангле борасида бир қарорга келиши кутилмоқда.