Kleman Langle yanvar oyida "Aston Villa"ni tark etishi mumkin.
Langle yozda “Barselona”dan “Aston Villa”ga sotib olish huquqisiz ijaraga o‘tgan edi. Mavsum boshidan buyon himoyachi ingliz klubi safida bor yo‘g‘i 3 ta o‘yinda maydonga tushdi.
Diario Sport xabariga ko‘ra, "Barselona" qishda Langleni qaytarishga va keyin uni La Liga klublaridan biriga ijaraga berishga tayyor. Xususan, fransiyalik futbolchiga “Betis” va “Sevilya” klublari qiziqish bildirishgan. Kataloniya klubi o‘yin vaqti kamligi tufayli Langlening qiymatini sezilarli darajada yo‘qotishidan qo‘rqadi.
Xabar qilinishicha, "Aston Villa" va Langle vaziyat o‘zgarishi mumkinligiga ishonishadi. Klub himoyachining professionalligini yuqori baholaydi, ammo Yevropa Ligasidagi yuqori saviyadagi o‘yiniga qaramay, futbolchi hali ham Premyer-ligada debyut o‘tkazmadi. "Barselona" yaqin haftalarda Langle borasida bir qarorga kelishi kutilmoqda.