"Милан" бош директори Жоржио Фурлани жамоанинг собиқ ҳужумчиси Златан Ибраҳимович жамоага мураббий сифатида қайтиши мумкинлиги ҳақидаги маълумотга изоҳ берди.
“Златан Ибраҳимовичнинг бизнинг раҳбариятга қайтиши эҳтимоли бор. Биз бунда қатнашяпмиз, бундан фахрланамиз. Биз Златан билан кейинги қадамларни муҳокама қилиш учун музокаралар олиб бормоқдамиз", - дея Фурланининг сўзларини келтиради инсайдер Фабрицио Романо.
Ибраҳимович шу ёзда фаолиятини якунлашини эълон қилди. "Милан" унинг сўнгги клубига айланди. Бундан ташқари, форвард фаолияти давомида "Лос-Анжелес Гэлакси", "Манчестер Юнайтед", "ПСЖ", "Барселона", "Интер", "Ювентус", "Аякс" ва "Мальмё" клубларида тўп тепган.
