"Манчестер Сити" ва "Лейпциг" муддатидан аввал Чемпионлар лигасининг плей-офф босқичига йўл олди.
Гуруҳ босқичининг 4-турида “шаҳарликлар” ўз майдонида “Янг Бойз”ни (3:0), “Лейпциг” эса сафарда “Црвена Звезда”ни мағлуб этди (2:1).
“Манчестер Сити” жорий Чемпионлар лигасида 4 та ўйиндан 4 тасида ғалаба қозониб, 12 очко билан гуруҳда пешқадамлик қилмоқда, “Лейпциг”да 9 очко бор. Икки тур қолганида Пеп Гвардиола ва Марко Розе бошчилигидаги жамоалар турнирнинг кейинги босқичига йўл олишди.
“Янг Бойз” ва “Црвена Звезда” 4 турдан кейин 1 очкога эга.