Португалия терма жамоасининг собиқ бош мураббийи Фернанду Сантуш ҳозирда Саудия Арабистони чемпионатида «Ан-Наср»да тўп тепаётган ҳужумчи Криштиану Роналду ҳақида гапирди.

«Мен учун дунёнинг энг яхши футболчиси – бу Криштиану. Роналду - энг яхши футболчи. У жуда кўп гол уради, кўплаб рекордларга эга.

КриРо Англия, Испания ва Италияда ғалаба қозонди ва Португалия терма жамоаси билан муваффақиятга эришди.

У ҳамма нарсани ютиб олди. Демак, бу ерда муҳокама қилинадиган ҳеч нарса йўқ», - деди мураббий.

Роналду беш карра «Олтин тўп» соҳиби. Шу йилнинг январь ойидан буён 38 ёшли ҳужумчи Саудия Арабистонининг «Ал-Наср» жамоасида тўп тепмоқда.