«Арсенал» ярим ҳимоячиси Томас Парти Микель Артета жамоасини тарк этиш истагини билдирди. Daily Mail хабарига кўра, ганалик футболчи раҳбариятга бу ҳақда шахсий суҳбатда маълум қилган.
Парти учун фаолиятини давом эттиришга энг реал вариантлардан бири бу Туриннинг «Ювентус»и бўлиб, у ёздан бери «Атлетико Мадрид»нинг собиқ футболчисига қизиқиш билдирмоқда.
Эслатиб ўтамиз, жорий мавсум Томас Англия премьер-лигасида мунтазам ўйин амалиётига эга эмас. Бу ярим ҳимоячининг яқин келажакда ўз клубини ўзгартирмоқчи бўлишининг асосий сабабларидан биридир.
