«Arsenal» yarim himoyachisi Tomas Parti Mikel Arteta jamoasini tark etish istagini bildirdi. Daily Mail xabariga ko‘ra, ganalik futbolchi rahbariyatga bu haqda shaxsiy suhbatda ma’lum qilgan.

Parti uchun faoliyatini davom ettirishga eng real variantlardan biri bu Turinning «Yuventus»i bo‘lib, u yozdan beri «Atletiko Madrid»ning sobiq futbolchisiga qiziqish bildirmoqda.

Eslatib o‘tamiz, joriy mavsum Tomas Angliya premyer-ligasida muntazam o‘yin amaliyotiga ega emas. Bu yarim himoyachining yaqin kelajakda o‘z klubini o‘zgartirmoqchi bo‘lishining asosiy sabablaridan biridir.