Мадриднинг «Реал» клуби Килиан Мбаппени сотиб олмоқчи эмас.
Мадрид клуби келаси ёзда ҳужумчи трансферини ташкил қилишга уринмайди - ҳатто у «ПСЖ»ни эркин агент сифатида тарк этса ҳам. «Реал Мадрид» раҳбарияти бу масалани ёпиқ деб ҳисоблайди, деб хабар беради Cadena SER.
«Реал Мадрид» Мбаппе хизматларини қабул қилишдан бош тортгани учта асосий сабаб билан боғлиқ.
Биринчидан, ҳужумчи билан шартнома имзолаш клуб учун жиддий молиявий юк бўлади: Килианнинг маоши йилига камида 20 миллион еврони ташкил қилади, шунингдек, ўйинчига катта миқдорда шартнома имзолаш учун бонус керак бўлади.
Таққослаш учун, Жуд Беллингем йилига 9 миллион евро атрофида маош олади.
Иккинчи сабаб - ёш ўйинчиларни қўлга киритишга интилаётган Мадрид клубининг трансфер стратегиясидир.
Килиан 2024 йилда 26 ёшга тўлади, Винисиус Жуниор, Родриго, Эдуардо Камавинга ва Аурелиен Тчуамени эса ёш пайтларида жамоага қўшилишди. Кейинги мавсумда 18 ёшли Эндрик «Реал»га ўтади.
Мбаппенинг 2022 йилда «Реал»га ўтишдан бош тортгани ҳам муҳим роль ўйнади. Футболчининг «ПСЖ» билан шартномасини узайтириш қарори Мадрид клуби раҳбарияти аъзоларининг салбий муносабатига сабаб бўлди.
Мбаппенинг «ПСЖ» билан амалдаги шартномаси жорий мавсум охиригача амал қилади.
