"Интер" Чемпионлар лигаси плей-офф босқичига йўл олди; ўтган йилги турнир финалчиси яна минимал ҳисобда бўлсада Австриянинг "Зальцбург" жамоасини мағлубиятга учратди. Ўйин ҳақида швейцариялик дарвозабон Янн Зоммер фикр билдирди.
"Учрашув қийин кечди, майдонда бўш жой жуда кам эди. Яхши ҳимояланиш, дуэлларда ғалаба қозониш муҳим эди, бизда имкониятлар кам эди, лекин биз улардан энг яхши тарзда фойдалана олдик", - деди Зоммер fcinter1908 билан суҳбатда.
Кейинги ўйинда "Интер" меҳмонда гуруҳ аутсайдери "Бенфика"га қарши ўйнайди. Бу 29 ноябрда содир бўлади.
