ЦСКА ҳимоячиси Мойзес ўтган ёзда «армиячилар» жамоасига келиб қўшилган Аббосбек Файзуллаевнинг ўйини ҳақида гапирди.
Бразилиялик футболчи ўзбекистонлик футболчига юқори баҳо бериб, унинг келажаги катта эканлиги ҳақида фикр билдирди.
«Аббос биз учун жуда муҳим футболчи. У жуда ақлли, жуда тезкор, бизга голли узатмаларда ёрдам беради. Ишончим комилки, уни буюк келажак кутмоқда», - дея Мойзеснинг сўзларини келтиради Metaratings.
Жорий мавсумда 20 ёшли Файзуллаев ЦСКА сафида 13 та ўйинда майдонга тушиб, 1 та гол урди ва 6 та голли узатмани амалга оширди.
