«Ювентус» «Краснодар» ярим ҳимоячиси Эдуард Сперцянга қизиқиш билдирмоқда. Бу ҳақда Tuttosport хабар бермоқда.
Манба берган хабарга кўра, Турин клуби скаутлари 23 ёшли футболчининг ўйинини фаол кузатишмоқда.
Сперцяннинг «Краснодар» билан амалдаги шартномаси 2026 йилнинг ёзига қадар мўлжалланган. Transfermarkt портали Арманистон терма жамоаси футболчисини 15 миллион еврога баҳоламоқда.
Жорий мавсумда ярим ҳимоячи «Краснодар» сафида 17 та ўйин ўтказиб, 6 та гол урди ва 3 та голли узатмани амалга оширди.
РПЛнинг яқинлашиб келаётган 15-турида «буқалар» «Зенит» билан учрашади. Ўйин 11 ноябрь куни бўлиб ўтади.
