10 ноябрга ўтар кечаси (Тошкент вақти билан) Бразилия чемпионатининг 33-туридан ўрин олган “Ботафого” – “Гремио” учрашуви бўлиб ўтди. Учрашув Порту-Алегри клубининг 4:3 ҳисобидаги ғалабаси билан якунланди.
Учрашувнинг асосий қаҳрамони “Гремио” ҳужумчиси Луис Суарес 50-дақиқададан 69-дақиқага қадар хет-трик қайд этиб, жамоасига ғалаба келтирди. Ғолиблар сафида Эвертон Гальдино ҳам гол урди.
“Ботафого” сафида голларга Диего Коста, Жуниор Сантос ва Марлон Фрейтас муаллифлик қилишди.
Ушбу ғалаба эвазига “Гремио” очколар сони бўйича турнир жадвалида пешқадам “Ботафого” билан тенглашиб олди – 59. Бироқ, Рио-де-Жанейро жамоасининг битта захира ўйини бор.
