«Ал-Иттиҳод» раҳбарияти «Реал» ва Испания терма жамоасининг собиқ устози Хулен Лопетегини мураббийлик лавозимига таклиф қилишни режалаштирмоқда.
Журналист Санти Уна хабарига кўра, араб топ-клуби бошлиқлари аллақачон испаниялик мутахассисга расмий таклиф юборишган. Қайд этилишича, Лопетеги Саудия клубида Нуну Эшпириту Санту ўрнига биринчи ўринбосар бўлиб турибди ва «Ал-Иттиҳод» раҳбарияти Лопетегининг якуний жавобини кутишга тайёр.
Эслатиб ўтамиз, «Реал», «Севилья» ва «Порту» клубларининг собиқ мураббийининг сўнгги иш жойи Англиянинг «Вулверхэмптон» клуби бўлган.
Лопетеги Европа Лигаси, шунингдек, икки марта ёшлар ўртасидаги Европа чемпионлигини қўлга киритган. «Ал-Иттиҳод» 12 учрашувдан сўнг турнир жадвалида олтинчи ўринда бормоқда.
