Франция терма жамоаси ва "ПСЖ" ҳужумчиси Килиан Мбаппе фаолиятини Англия Премьер-лигасида давом эттириши мумкин, унга бир қанча клублар қизиқиш билдирмоқда.
Журналист Экрем Конурнинг ижтимоий тармоқлардаги хабарларига кўра, Премьер-лига вакиллари январь ойида 24 ёшли ҳужумчининг трансфери учун 100 миллион евро тўлашга тайёр. Эътиборлиси, Килианнинг парижликлар билан шартномаси олти ойдан кейин тугайди.
Аввалроқ Мбаппега "Челси", "Манчестер Юнайтед", "Ливерпуль" ва "Нюкасл" клублари қизиқиш билдираётгани ҳақида хабар берилганди.
Transfermarkt портали ҳужумчининг бозор нархини 180 миллион еврога баҳоламоқда.
