"Арсенал" скаутлари "Реал Сосьедад"нинг "Бенфика" билан Чемпионлар лигаси гуруҳ босқичи 4-тур учрашувини (3:1) томоша қилишди.
90min хабарига кўра, уларнинг кузатувига асосий сабаб Испания терма жамоаси ярим ҳимоячиси Мартин Субимендининг ўйинини кўриш истаги бўлган. Илгари "Реал Мадрид" ва "Барселона"нинг нишонига айланган 24 ёшли футболчи январь ойидаги трансфер ойнаси олдидан лондонликлар учун потенциал вариант сифатида пайдо бўлмоқда.
Субимендининг "Реал Сосьедад" билан шартномаси 2027 йилнинг ёзига қадар мўлжалланган, товон пули эса 50 миллион еврони ташкил қилади. Умуман олганда, испаниялик ушбу мавсумда жамоа сафида барча турнирларда 17 та ўйин ўтказиб, 1 та гол урди ва 1 та голли узатмани амалга оширди.
