Мадриднинг “Реал” клуби ярим ҳимоячиси Арда Гюлер “Валенсия”га қарши ўйин олдидан жароҳат олди.
The Athletic журналисти Гильермо Раи хабарига кўра, 18 ёшли футболчининг ўнг сонининг тўрт бошли мушаклари йиртилган. Манбага кўра, туркиялик ярим ҳимоячининг тикланиши тахминан бир ой давом этади.
Гюлер июль ойида "Фенербахче"дан "Лос Бланкос" жамоасига қўшилганди. Эслатиб ўтамиз, у яқинда жиддий жароҳатидан фориғ бўлиб, жамоа билан бир қатор машғулотлар ўтказди, аммо "Реал"да дебют ўтказа олмади.
"Реал Мадрид"нинг навбатдаги ўйини 11 ноябрь куни бўлиб ўтади. Карло Анчелотти шогирдларининг Ла Лиганинг 13-туридаги рақиби "Валенсия" бўлади.
