Пачета номи билан машҳур Хосе Рохо Мартин энди "Вильярреал" бош мураббийи эмас. "Сув ости кемалари" ушбу мутахассис билан хайрлашганини ўз расмий веб-сайтида расман эълон қилди.
Пачета "Вильярреал" бошқарувида 12 та ўйин ўтказди. Натижалар қуйидагича бўлди: 5 ғалаба, 3 дуранг, 4 мағлубият.
"Вильярреал" футбол директори Мигель Анхель Тена машғулот ўтказади ва шанба куни матбуот анжуманида нутқ сўзлайди. У якшанба кунги "Атлетико"га қарши ўйинда ҳам жамоани бошқаради.
"Вильярреал" айни дамда Ла Лига турнир жадвалида 13-ўринда бормоқда.
