Кевин Де Брюйне жароҳати сабаб август ойи ўрталаридан бери "Манчестер Сити"да ўйнай олмаяпти. Жамоа бош мураббийи Пеп Гвардиола бельгиялик ярим ҳимоячининг аҳволи ҳақида фикр билдирди.
"Де Брюйне ўзини яхши ҳис қилмоқда, аммо у ҳали тайёр эмас ва биз уни тикланишига мажбурламаймиз. У ҳали югурмаяпти. Бундай жароҳатларда босим ўтказмаслик яхшироқдир. Кейинги қадамни шифокорлар ҳам, Кевин ҳам бунинг учун қулай вақт келганини ҳис қилгандагина қўйиш керак", - деди Гвардиола.
"Манчестер Сити" навбатдаги ўйинни 12 ноябрь куни “Челси”га қарши ўтказади.
