Ҳужумчи Ромелу Лукаку "Рома"га доимий равишда ўтмоқчи.
Римликлар бельгиялик футболчини жорий мавсум охиригача Лондоннинг "Челси" клубидан ижарага олишди. Баъзи маълумотларга кўра, "Рома" раҳбарияти 30 ёшли футболчини мавсум якунланганидан кейин сотиб олиш ниятида. Инсайдер Экрем Конурнинг сўзларига кўра, Лукакунинг ўзи ҳам фаолиятини "Рома"да давом эттиришдан манфаатдор - агар шундай имконият туғилса, у тўлиқ трансферга тайёр.
Ромелу Лукакунинг "Челси" билан шартномаси 2026 йилгача мўлжалланган. Transfermarkt экспертлари форварднинг трансфер нархини 40 миллион еврога баҳоламоқда. Футболчи “Рома” сафида 13 ўйинда 9 та гол урган.