«Манчестер Юнайтед» ҳужумчиси Расмус Хёйлунд ҳозирги ҳолати ҳақида гапирди.
«Қизил иблислар»нинг янги футболчиси ҳали ички лигада гол ура олмади, бироқ у Чемпионлар лигасида клуб рекордини ўрнатди ва тўртта ўйинда беш марта гол урди.
Бироқ жамоанинг еврокубокдаги ишлари ҳамон яхши кетаётгани йўқ – бор-йўғи уч очко жамғарган ва тўртликдаги сўнгги ўрин.
«Мен дунёнинг энг яхши клубида ўйнашимни биламан, лекин фаолиятимда ҳали кўп нарсага эришаман.
Энди қанчалик узоққа боришим мумкинлигини кўрмоқчиман. Мен қўлимдан келганича энг зўр бўлишга ҳаракат қиламан», - дея 20 ёшли данияликнинг сўзларини келтиради инглиз ОАВ.
