"Реал Мадрид" президенти Флорентино Перес ҳужумчи Карим Бенземага жамоа тарихига қўшган ҳиссаси учун миннатдорчилик билдирди.
Эслатиб ўтамиз, ёзда франциялик футболчи “қироллик клуби”ни эркин агент сифатида тарк этиб, Саудия Арабистонига кўчиб ўтган ва у ерда “Ал-Иттиҳод” билан қиммат шартнома имзолаган эди.
«Бензема - клубимизда сеҳрли давр ёзган футболчи. У ноёб ва бетакрор футболчи. Раҳмат, Карим”, - деди Перес матбуот анжуманида.
Эслатиб ўтамиз, "Реал" Бензема ўрнига футболчи сотиб олмаган. Эҳтимол, келаси ёзда "Қироллик клуби" Килиан Мбаппени яна таклиф қилишга уриниб кўради.
