Ҳужумчи Килиан Мбаппенинг келажаги долзарб мавзу бўлиб қолмоқда, чунки унинг "ПСЖ" билан амалдаги шартномаси мавсум охирида тугайди.
Football Insider нашри хабарига кўра, "Манчестер Юнайтед" ёзги трансфер бозорида Мбаппе учун курашишга тайёр. Бунга Жим Рэтклиффнинг клуб акцияларининг 25 фоизини сотиб олишга яқин тургани ёрдам беради. Ишбилармон жамоани молиялаштириш учун жиддий маблағ сарфлашга тайёр.
Шунингдек, манба молиявий жиҳатдан Премьер-лиганинг яна икки клуби - "Манчестер Сити" ва "Челси" Мбаппенинг трансферини барбод қилиб юбориши мумкинлигини таъкидлайди.
Айтиш жоизки, миш-мишлар Килиан Мбаппени "Реал" билан боғлашда давом этмоқда.
