Суперлигасининг 24-туридан ўрин олган “Навбаҳор” – “Бунёдкор” (3:0) учрашувидан кейинги матбуот анжуманининг биринчи қисмида меҳмонлар бош мураббийи Александр Кристинин иштирок этиб, журналистларнинг саволларига жавоб берди. “Қалдирғочлар” устози одатдагидек, ўз сўзини ўйин ҳақидаги фикрлари билан бошлади.

- Барчага хайрли кеч! Аввало, “Навбаҳор” ва жамоа мухлисларини ғалаба билан табриклайман. Ўйин қийин ўтди, чунки рақиб кучли футболчилардан ташкил топган жамоа ҳисобланади. Ҳужумдаги ўйинимиз бироз ўхшамади. Вазиятлар бўлди, аммо улардан фойдалана олмадик.

- Бугун шогирдларингиз яхши таассурот қолдириб, ҳимояга ётиб олишмади ва футбол ўйнашга ҳаракат қилишди. Жамоангизга ҳужумларни якунлашда нима етишмади, деб ўйлайсиз?

- Нега бундай бўлганини таҳлил қилиш лозим, мантиқан нотўғри қарорлар қабул қилинди. Ҳаммасини кўриб чиқамиз.

- Жамоадаги футболчилардан кўнглингиз тўляптими?

- Мен кимнидир яхши ёки ёмон дея олмайман. Ҳозир таркибда ким бўлса, улар билан ишлаяпмиз. Йигитлар имкони борича ҳаракат қилишмоқда. Бирор футболчини яхши ёки ёмон ўйнаяпти, демайман. 

- Суперлиганинг ушбу мавсумдаги даражаси ҳақида нима дея оласиз?

- Биринчи давра ҳақида ҳеч нарса дея олмайман, чунки сабабини биласиз. Чемпионат даражаси яхши, мавсум жуда қизиқ ўтмоқда.

- “Бунёдкор”нинг иккинчи даврадаги энг яхши ва энг ёмон ўйини қайси баҳслар бўлди?

- Ҳали олдинда иккита учрашув бор, энг яхшиси ёки энг ёмони ҳали олдиндадир.

- Келаси мавсум ҳам сизни жамоада кўрамизми?

- Билмайман. Клуб билан шартномам жорий мавсум якунигача тузилган. Буни клуб раҳбарияти ҳал қилади.