"Манчестер Юнайтед" бош мураббийи Эрик тен Хаг навбатдаги АПЛ баҳсини ўтказиб юборади. У кеча кетма-кет учинчи баҳсда сариқ карточка олди. Шу сабабли "Эвертон"га қарши сафар баҳсида жамоаси ўйинини стадион трибунасидан томоша қилишга мажбур. Бу ҳақида унинг ўзи шундай дейди:
"Мен ҳакам билан талашган вазият бизнинг фойдамизга ҳал бўлиши керак эди. Мен вазият устида тургандим ва воқеа кўз олдимда содир бўлди. Тўп бизники эди. Афсуски, айрим вазиятларда хато қарорларни ҳам қабул қилишингиз керак. Бу борада менинг ўрганадиган нарсаларим анчагина".
