Мадриднинг “Реал” клуби бош мураббийи Карло Анчелотти ярим ҳимоячи Жуд Беллингемнинг ҳолати ҳақида гапирди.
20 ёшли футболчи шанба куни бўлиб ўтган Ла Лига доирасида "Валенсия"га (5:1) қарши ўйинни елкасидаги жароҳати сабаб ўтказиб юборди. Учрашувдан сўнг журналистлар Анчелоттидан ярим ҳимоячи қачон майдонга қайтиши мумкинлиги ҳақида сўрашди.
"Беллингем ўзининг ҳолатини текшириш учун Англия терма жамоасига боради, лекин менимча, у ўйнай олмайди ва қайтади", - деди италиялик мураббий.
Англия терма жамоаси 17 ноябрь куни рақиби Малтага, уч кундан кейин эса Шимолий Македонияга қарши баҳс олиб боради.