Ҳозирда “Бетис” клубида ўйнаётган ҳужумкор ярим ҳимоячи Иско клуб билан янги шартнома имзолаши мумкин. Бу ҳақда Todofichajes нашри хабар бермоқда.
Манбага кўра, клуб раҳбарияти ярим ҳимоячининг ўйинидан қониқиш ҳосил қилган ва у билан ҳамкорликни узайтириш бўйича музокараларни бошлашга тайёр. Томонлар ўртасидаги амалдаги шартнома келаси йилнинг июн ойи охирида якунига етади. Унинг трансфер нархи 8 миллион еврога баҳоланмоқда.
Испания чемпионатининг жорий мавсумида Иско 12 та ўйин ўтказиб, иккита гол ва иккита голли узатмага муаллифлик қилди.
