"Марсель" ҳужумчиси Пьер-Эмерик Обамеянг "Барселона"даги фаолияти ҳақида гапирди.

"Бу фаолиятимдаги энг яхши олти ой эди. Мен ҳеч қачон футбол ўйнаш ва машғулотлардан бунчалик завқланмаганман. Ҳатто дам олиш кунлари машғулотларга ҳам бордим. Бу ақл бовар қилмайдиган бўлди", - деди габонлик ҳужумчи AS нашри.

34 ёшли Обамеянг шу ёзда "Челси"дан "Марсел"га кўчиб ўтганди. Ўтган мавсумда габонлик ҳужумчи лондонликлар ва “Барселона” сафида барча турнирларда 22 та ўйин ўтказиб, 3 та гол ва битта голли узатмани амалга оширган. Шу билан бирга, Обамеянг майдонда атиги 968 дақиқа ўтказди.

Жорий мавсумда у Франция 1-лигасида 11 та ўйинда майдонга тушиб, 1 та гол урди ва 3 та голли узатмани амалга оширди. Шунингдек, форвард бир марта сариқ карточка олди.