«ПСЖ»нинг собиқ ярим ҳимоячиси Андер Эррера 2019/20 йилги Чемпионлар лигаси мавсумида бразилиялик ҳужумчи Неймарнинг роли ҳақида гапирди.

2020 йил баҳорида дунёнинг деярли барча мамлакатларида футбол мавсуми коронавирус пандемияси эълон қилиниши сабабли тўхтатилди, шу сабабли 2020 йил август ойида Чемпионлар Лигаси плей-офф ўйинлари қисқартирилган форматда ўтказилди.

«ПСЖ» ўз тарихида ягона бўлган турнир финалига йўл олди ва «Бавария»га 0:1 ҳисобида имкониятни бой берди.

«Ўша ой Лиссабондаги меҳмонхонада катта чекловлар бор эди. Неймарга раҳмат - етакчи сифатида намоён бўлди.

У фантастик ўйинчи, ўша ойда у меҳмонхонада етакчи бўлди. У жамоа йиғди. Ҳақиқатан ҳам ўзгача бир нарса қилишни хоҳлади.

Охирида буни уддалай олмадик, лекин биз жуда яқинлашгандик», деди Эррера.