"Манчестер Юнайтед" бош мураббийи Эрик тен Хаг АПЛда 30 та ғалаба қозониш бўйича рекорд ўрнатганига муносабат билдирди.

"30 ғалаба - бу яхши ютуқ, лекин мен нишонламайман. Бошқа ташвишларим бор. Ҳозир энг муҳими шундаки, биз бу мавсумда ҳар доим ҳам яхши ўйнамаяпмиз.

Ривожланаётганимизни кўрдингиз. Копенгагенда ҳам, “Лутон”га қарши ўйинда ҳам кўплаб вазиятлар яратдик. Ўйлайманки, бу биз хоҳлаган жойдан унчалик узоқ эмаслигимизга ишонч беради. Шу боис ишончим комилки, биз бу жамоа қодир бўлган жуда яхши футбол ўйнай бошласак, кучли тўртликдан жой олиш учун курашамиз.

Бизнинг жамоамиз тез-тез ўзгариши ва шароитга мослашиши керак. Лекин биз суръатни ошириб, ўйинимизни ва натижаларимизни яхшилаяпмиз. Биз лигадаги сўнгги беш ўйинимизнинг тўрттасида ғалаба қозондик ва Премьер-лигада ғалаба қозониш осон эмас, чунки бу ҳар доим қийин кураш. Мен бундан хурсандман. Бу биз тўғри йўлдан кетаётганимиздан далолатдир", - деди Эрик тен Хаг "Манчестер Юнайтед" расмий сайти.

Эслатиб ўтамиз, "қизил иблислар" ўтган мавсумда Премьер-лигани учинчи ўринда якунлаган бўлса, ҳозирда олтинчи ўринни эгаллаб турибди.