"Manchester Yunayted" bosh murabbiyi Erik ten Xag APLda 30 ta g‘alaba qozonish bo‘yicha rekord o‘rnatganiga munosabat bildirdi.

"30 g‘alaba - bu yaxshi yutuq, lekin men nishonlamayman. Boshqa tashvishlarim bor. Hozir eng muhimi shundaki, biz bu mavsumda har doim ham yaxshi o‘ynamayapmiz.

Rivojlanayotganimizni ko‘rdingiz. Kopengagenda ham, “Luton”ga qarshi o‘yinda ham ko‘plab vaziyatlar yaratdik. O‘ylaymanki, bu biz xohlagan joydan unchalik uzoq emasligimizga ishonch beradi. Shu bois ishonchim komilki, biz bu jamoa qodir bo‘lgan juda yaxshi futbol o‘ynay boshlasak, kuchli to‘rtlikdan joy olish uchun kurashamiz.

Bizning jamoamiz tez-tez o‘zgarishi va sharoitga moslashishi kerak. Lekin biz sur’atni oshirib, o‘yinimizni va natijalarimizni yaxshilayapmiz. Biz ligadagi so‘nggi besh o‘yinimizning to‘rttasida g‘alaba qozondik va Premyer-ligada g‘alaba qozonish oson emas, chunki bu har doim qiyin kurash. Men bundan xursandman. Bu biz to‘g‘ri yo‘ldan ketayotganimizdan dalolatdir", - dedi Erik ten Xag "Manchester Yunayted" rasmiy sayti.

Eslatib o‘tamiz, "qizil iblislar" o‘tgan mavsumda Premyer-ligani uchinchi o‘rinda yakunlagan bo‘lsa, hozirda oltinchi o‘rinni egallab turibdi.